Qusar rayonun Mucuq kənd tam orta məktəbin müəllimi İdrisov İbrahim Luqman oğlu tərəfindən Qusar rayon Təhsil şöbəsinin 182 saylı 07.05.2013-cü il tarixli məktubu ilə əlaqədar

M Ə L U M A T I

Bildirirəm ki, Qusar rayonu Təhsil şöbəsinin göndərişi ilə mən və digər müəllimlər 03- 26 dekabr 2012-ci il tarixlərdə Azərbaycan Mİ Quba filialında ixtisasartırma kursunda olmuşuq.  Ezamiyyə xərclərini isə Qusar RTŞ-i tərəfindən bizə AR Nazirlər Kabinetinin 144 saylı 20.09.2011-ci il tarixli Qərarına uyğun düzgün hesablanmamışdır. Bu barədə tərəfimizdən dəfələrlə Qusar RTş-nə, AMİ Quba filialına, AR Təhsil Nazirliyinə və AR Baş Prokurorluğuna müraciətlər edilmişdir.

Qusar RTş-nin 07.05.2013-cü il tarixli 182 saylı məktubunda şöbə müdiri N. Fərzəliyev yalandan AR Təhsil Nazirliyi İqtisadiyyat şöbəsinin müdiri Ş. Əliyevə məlumat verir ki, guya şikayətçilərin hər biri Təhsil şöbəsinə dəvət olunmuş, onlar orada”dindirilmiş”(bəlkə Təhsil şöbəsi istintaq idarəsidir!!!?...), onlardan bir neçəsi (onlar kimlərdir???!!!...) etiraf etmişdir ki, ümumiyyətlə kurs müddətində mehmanxana xidmətindən istifadə etməmiş, onlara(kimlərə???!!!...) hardansa(haradan?!!!...) saxta qəbzlər verilmişdir.

Üzümüzü Niftəli müəllimə tutub deyirəm ki, adam bu qədər yalançı və ikiüzlü olmaz. Təhsil şöbəsinə şikayətçilərdən heç kim çağırılmamış, heç kəs təhsil şöbəsinin “müstəntiqləri” tərəfindən dindirilməmiş, heç kəs etiraf etməmişdir ki, mehmanxana xidmətindən istifadə etməmişdir.

Attachments:

File	File size
Qusar RTSH mektubu	867 Kb

Qeyri-hökumət təkilatlarının inzibati sanksiyaların sərtləşdirilməsi ilə bağlı

BƏYANATI

06 may 2013-cü il

AZƏRBAYCANDA SEÇKİ İLİNDƏ QANUNVERİCİLİYƏ NÖVBƏTİ MÜRTƏCE DƏYİŞİKLİK TƏKLİFİ: İNZİBATİ HƏBSİN MÜDDƏTİ ARTIRILIR

Biz Azərbaycan vətəndaş cəmiyyəti nümayəndələri olaraq bəzi inzibati xətalara görə inzibati həbs müddətinin artırılması ilə bağlı qanunvericiliyə  edilən dəyişiklik təklifini ciddi şəkildə qınayırıq və qəbul ediləcəyi təqdirdə bunu Azərbaycanda insan haqlarının növbəti dəfə məhdudlaşdırılması kimi qiymətləndirəcəyik.

Belə ki, Azərbaycan Respublikasının Baş Prokuroru Zakir Qaralovun təşəbbüsü ilə İnzibati Xətalar Məcəlləsinə əlavə və dəyişikliklər layihəsi Milli Məclisə təqdim olunub. Layihəyə əsasən, İnzibati Xətalar Məcəlləsinin 298.1 və 298.2-ci maddələrində (toplantıların təşkili və keçirilməsi qaydasının pozulması) nəzərdə tutulan pozuntuya görə cəzaların artırılması, xüsusuilə inzibati həbs müddətinin 15 gündən 60 günə qaldırılması nəzərdə tutulur. Bundan əlavə, Məcəllənin 310-cu maddəsində (polis işçisinin və ya hərbi qulluqçunun qanuni tələbinə qəsdən tabe olmama) inzibati həbsin müddəti 15 gündən 30 günə qədər artırlır.