Revision of Hüquqşünas/Aparıcı hüquqşünas from 03.05.23 - 15:34

İş yükündən qorxmursuz?
 
Yeni çağırışlar axtarırsız?
 
Həqiqətən faydalı işlər görmək istəyirsiz?
 
Qədim Roma hüquqşünaslarının dörd ehkamı - Dic, duc, fac, fer! (Həqiqəti söylə, işi dürüst apar, mümkün olanı et, çətinliklərə mərdliklə döz!) - sizə yad deyil?
 
Onda yeni yaradılmış İnformasiya Kommunikasiya Texnologiyaları Agentliyinin hüquq komandasına qoşulmağa dəvət edirəm.
 
Ətraflı aşağıda.
 
Bu elanın faydalı ola biləcəyi düşündüyünüz hər kəslə paylaşmağınızı xahiş edirəm.
 
***

Publik hüquqi şəxs statuslu İnformasiya Kommunikasiya Texnologiyaları Agentliyində* mövcud hüquqşünas vəzifələrinə işə qəbul ilə əlaqədar sənəd qəbulu elan edilir:

Namizədlərə dair minimal tələblər:
 
·      Hüquqşünaslıq (beynəlxalq hüquq) ixtisası üzrə bakalavr dərəcəsi;
·      “Hüquqşünas” vakansiyası üçün hüquq sahəsində ən azı 2 il, “Aparıcı hüquqşünas” vakansiyası üçün isə ən azı 4 il iş təcrübəsi;
·      Yüksək səviyyədə işgüzar İngilis dili biliyi.
 
Əlavə üstünlüklər:
 
·      Normayaratma fəaliyyəti sahəsində iş təcrübəsi;
·      Telekommunikasiya hüququ, inzibati (publik) hüquq, rəqabət hüquq sahəsində iş təcrübəsi;
·      Tənzimləmə və nəzarət funksiyaları olan qurumlarda (requlyator) iş təcrübəsi;
·      Beynəlxalq təşkilatlarla twinning, texniki dəstək və s. layihələrdə iştirak təcrübəsi;
·      Analitik hüquqi təhlil, yazı, legal design bacarıqları;
·      Xarici təhsil;
·      Magistr dərəcəsi;
·      Əlavə xarici dil biliyi. 

Müraciət edən namizədlər arasından yalnız daha uyğun gələn şəxslər müsabiqəyə dəvət olunacaq. Müsabiqə iki mərhələdən – yazılı imtahan və (və ya) şifahi müsahibədən ibarət olmaqla keçirilə bilər. Maraqlanan namizədlər öz CV-lərini mövzu hissəsinə “Hüquqşünas” və ya “Aparıcı hüquqşünas” yazaraq 16 may 2023-cü il tarixinədək hr@icta.az emailinə göndərə bilərlər.
 
*Rəqəmsal İnkişaf və Nəqliyyat Nazirliyinin tabeliyində olan Agentlik informasiya kommunikasiya texnologiyaları və rabitə (telekommunikasiya və poçt) sahəsində tənzimləməni və nəzarəti həyata keçirən publik hüquqi şəxsdir (Milli Tənzimləyici Qurum) və nizamnaməsi Azərbaycan Respublikası Prezidentinin 2022-ci il 21 oktyabr tarixli 1861 nömrəli Fərmanı ilə təsdiq edilmişdir.